FIDELIÑO O CARTEIRO

FIDELIÑO o carteiro é o encargado de repartilas cartas en Moitomellor.
Cada carta é un anaco de vida que pasa polas súas mans e que nos introduce no acontecer cotián da vila: as misteriosas facturas para a tenda de vídeos rexida por Hermenexildo, os anónimos amorosos que recibe Anuska, os aloumiños literarios enviados ó alcalde pola súa noiva neoiorquina.
En Moitomellor atopamos personaxes para tódolos gustos, cada un coa súa teima: ler cartas, viaxar, copiar vídeos ou descubrir namorados secretos. Pero todos buscan o mesmo, unha felicidade que só se consegue entendéndose cos demais.