Bandeiras negras

Neste libro, obra de Ana María Galego Gen, desprazarémonos a unha época onde non había moitas posibilidades no mundo para as mulleres, e menos para as mulleres negras, e meterémonos na vida da pequena escrava Providence, que nos narrará a historia de cando decidiu escapar da súa ama, a señora Bonnet, para acompañar ao seu amo e formar parte da súa tripulación, vivindo na súa nave, a Revenge, finxindo ser un home chamado Chris. De barco en barco, descubriremos como coñeceu a Long John Silver e como chegou a casar con el.

Este libro de 100 páxinas aproximadamente, gustaríalle moito á xente aventureira e mariñeira, porque está cargado de aventuras e viaxes a través dos sete mares con pelexas e naufraxios, aparte de que se pode aprender un pouco como era a vida mariñeira nesa época.

Eu penso que esta historia se pode comezar a comprender ben a partir dos 10 anos, pero que a partir de entón é apto para todas as idades.

A min persoalmente gustoume moito este libro, a pesar de que o meu tema literario preferido é a fantasía. Hai moitas situaciones inesperadas, e momentos nos que o lector se pregunta qué poderá ocorrer a continuación, e realmente parece que a protagonista está narrándonos a súa historia, e penso que a autora fixo un moi bo traballo.
Se vos interesa, podedes atopalo na Biblioteca Municipal de Monte Alto. Se xa o líchedes, non esquezades comentar a vosa opinión sobre o libro.